How to Type Urdu Using Your Voice On Android Phone 92

بول کر سمارٹ فون میں اردو کیسے لکھیں؟ انتہائی آسان اور زبردست طریقہ جانئے

سمارٹ فون میں اردو ٹائپ کرنا انتہائی مشکل کام تھا جسے گوگل کے ٹرانسلیٹ انجن نے اس قدر آسان بنا دیا جو رومن اردو میں ٹائپ کئے جانے والے الفاظ کو فوراً صحیح اردو میں بدل دیتا ہے۔

یہ بھی پڑھیں۔۔۔ اردو لکھنے اور پڑھنے والوں کو گوگل نے سب سے بڑی خوشخبری سنا دی، اب آپ انگریزی سے بھی تیز اردو ٹائپ کر سکتے ہیں کیونکہ۔۔۔
ابھی پاکستانی اس فیچر کے لطف سے ہی باہر نہیں نکل پائے تھے کہ گوگل نے ایک اور شاندار فیچر متعارف کرا دیا ہے جس کے تحت اب سمارٹ فون میں اردو لکھنے کیلئے ٹائپ کرنے کی بھی ضرورت نہیں، صرف اپنی زبان سے الفاظ ادا کرتے جائیں اور سمارٹ فون میں خود بخود وہی الفاظ اردو زبان میں لکھے جائیں گے۔
گوگل نے کی بورڈ ایپلی کیشن ”جی بورڈ“ میں اردو سمیت 30 مختلف زبانوں کی پہچان کرنے کا فیچر متعارف کرا دیا ہے جس کا مطلب ہے کہ اب آپ اپنی مادری زبان بول کر بھی سمارٹ فون پر سرچ کر سکتے ہیں، دوستوں کو پیغامات وغیرہ بھیج سکتے ہیں۔ اگر آپ ٹائپ کرنے سے تنگ آ چکے ہیں، تو یہ فیچر آپ کیلئے انتہائی مفید ہے جس کے ذریعے اردو یا کوئی اور زبان میں کچھ بھی لکھنے کیلئے انگلیاں نہیں بلکہ زبان ہلانے کی ضرورت ہو گی۔

یہ فیچر استعمال کرنے کیلئے آپ کو ”جی بورڈ“ ایپلی کیشن انسٹال کرنا ہو گی جسے یہاں کلک کر کے ڈاﺅن لوڈ کیا جا سکتا ہے۔

آئی فون استعمال کرنے والے صارفین یہاں کلک کر کے ڈاﺅن لوڈ کریں۔

ایپلی کیشن انسٹال کرنے کے بعد اسے ایکٹو کریں اور پھر سپیس کا بٹن دبا کر رکھیں گے تو آپ کے سامنے کی بورڈ سلیکشن ونڈو آ جائے گی، اس پر گوگل وائس ٹائپنگ کی آپشن کو سلیکٹ کریں۔

How to Type Urdu Using Your Voice On Android Phone In Urdu

اگر سپیس کا بٹن دبا کر رکھنے پر سامنے آنے والی آپشنز میں گوگل وائس ٹائپ نہ ہو تو موبائل سیٹنگز میں جائیں اور ’لینگوئج اینڈ ان پٹ‘ پر کلک کریں اور یہاں موجود گوگل وائس ٹائپنگ کو ایکٹویٹ کریں۔

How to Type Urdu Using Your Voice On Android Phone In Urdu

اس کے بعد جی بورڈ کی سیٹنگز میں جائیں اور لینگوئج کی آپشنز میں جا کر انگلش کو ڈی سلیکٹ کر کے اردو سلیکٹ کر لیں۔ (آپ جب چاہیں واپس انگلش زبان کو سلیکٹ کر سکتے ہیں)

How to Type Urdu Using Your Voice On Android Phone In Urdu

اوپر بتائی گئی تمام ہدایات پر کامیابی سے عمل کے بعد آپ گوگل کا شاندار فیچر استعمال کرنے کے قابل ہو گئے ہیں اور اب بس سپیس کا بٹن دبا کر گوگل وائس ٹائپ سلیکٹ کریں اور اردو بولنا شروع کر دیں، جی بورڈ ایپلی کیشن خود بخود آپ کی سکرین پر اردو ٹائپ کرنا شروع کر دے گی۔

How to Type Urdu Using Your Voice On Android Phone In Urdu

اس خبر پر اپنی رائے کا اظہار کریں

اپنا تبصرہ بھیجیں